巴丝打玩eSportsWGL亚太区第二季总决赛

巴丝打玩eSportsWGL亚太区第二季总决赛

关于WGL亚太区第二季决赛嘅跟进报导终于终于嚟到第三回,亦都係最终回。决赛已经打咗,但两队来自中国嘅队伍竟然内閧,最终究竟係点一回事呢?且看下文分解。

真‧半斤八両

决赛夜,两队来自中国嘅队伍:去年世界阿二EL GAMING(ELG)以及中国区冠军嘅RefornGaming(RG)继续嚮首尔龙山I’PARK eSports Studium为WGL亚太区第二季嘅冠军以战。赛前我同两队嘅选手倾咗一阵,原来佢哋平日练习都係会成日对打,战绩方面就各有千秋。RG个目标就係打倒EL拎冠军,而EL就係为咗赢自己而打。门面上就讲到大家实力半斤百両,但我自己就觉得潜台词有人係有啲轻敌。

决赛改由最快取得7分嘅一队赢,同样地7 vs 7,每队拥有68分去编排出战的战车Cost,其他例跟準决赛时一样。一开波,RG第1局以坚强嘅防守加上製造出比更多DMG,令到ELG于尾段要急攻,结果反而输得更惨。第2局RG改变战术,主动出击,火炮攻击大幅度重创ELG主力,RG从而再取一局。第3及第4局ELG好似瞓醒,用返佢哋最熟嘅快速主攻战术,以高速战车为主力抢攻,呢两局係好睇嘅,亦为ELG拎返2分。第5局,ELG又改战术,因为地图拥有多掩护物,决定以3部重战车为主力,宁要攻力放弃机动力,结果都几奏效,但最后都只能以佔领对方阵地而赢呢一局,未能全歼对手。第6局,RG以牙还牙,更深入虎穴成功赢返一局。打完8局,双方各得4分,又真係几叮噹马头喎!我本来谂住可能仲有排打,点知继续3局ELG好似师兄弟返嚟咁,连取3局,最后7:4赢到冠军。其实用文字形都真係描写得唔够,不如睇返YouTube足本重温仲好啦,好正架!

巴丝打玩eSportsWGL亚太区第二季总决赛
◆ EL GAMING唔单只赢得WGL亚太区第一季及第二季嘅冠军喇,总数120,000美金嘅奖金唔知点使呢下?巴丝打玩eSportsWGL亚太区第二季总决赛
◆ 呢头先打完比赛,转头就要接受车轮式访问,其实都几攰。巴丝打玩eSportsWGL亚太区第二季总决赛
◆ RefornGaming VS. EL GAMING呢个戏码坚係好睇!

巴丝打玩eSportsWGL亚太区第二季总决赛

◆ 两位Wargaming.net嘅高层—右手面嘅Deon Pek(Head of Customer Relations, Asia)以及左手面嘅Jini Jun(Senior eSports Manager, Asia)。

后话

话说比赛前,我有同Wargaming两位亚洲局高层倾过两咀,我就问佢哋,会唔会将Console版嘅《World of Tanks》、平板版本嘅《World of Tanks Blitz》或《World of Warships》加入WGL到呢?佢哋两位都话是否将一只Game加入WGL,最紧要睇多唔多人玩,上面讲嗰3只Game目前Fans base都未去到可以开到WGL呢个级数嘅比赛,所以短期内都未有相关计划。反而硬体并唔係问题,只要一众选手都係用返同样嘅硬体配置的话就冇问题。

去到呢度,2015-2016年度分区赛季亦都正式结束,EL GAMING以大热之势杀入下个月于华沙举行嘅 WGL Grand Finals世界赛,介时将会联同积分第二高的GOLD BASS一齐代表亚太区,同来自欧洲、独联体、俄罗斯、中国、北美等分区的高手争取终极王上王之位。我暂时唔知有冇机会去现场睇喇,有的话就再带多啲关于eSports嘅料俾大家听呢,第一次嚮高登呢到讲eSports,希望冇闷亲大家。对于eSports你可能有好多嘢想知或想问,唔紧要,即管问,丢个email嚟[email protected]畀我啦!儘答。

上一篇:
下一篇: