巴丝打玩eSportsWGL亚太区第二季决赛Day 1回顾

巴丝打玩eSportsWGL亚太区第二季决赛Day 1回顾

之前就同大家讲过下WGL亚太区第二季决赛呢件事,昨晚进入决赛嘅4队人马就进行咗四强战,咁究竟战况係点?现场气氛又如何?小弟立即同大家分享下。

比赛举行嘅地点係位于首尔龙山站嘅大型商场顶楼嘅龙山eSports Studium,呢个位绝对係首尔嘅核心地带,由边度过去都咁方便,而且商场仲係目前首尔数一数二大嘅多层式商场,唔单只有数码嘢卖,地下仲有橡子共和国以及Gundam Base Seoul,人流劲多。呢类专门俾eSports用嘅Studio嚮首尔唔难搵到,因为政府同商家都好支持eSports,愿意豪啲地方出嚟俾人搞比赛,仲有赞助添!睇返我哋香港,政府帮?大商家支持?都係蒜X扫把啦!

Match Day One上演3场比赛,第一场係台湾嘅Horsemen对上来自中国嘅RefornGaming(RG),第二场係主场嘅GOLD BASS对上EL GAMING。两场比赛嘅胜方入今晚举行嘅决赛争冠军,负方就对打争第三名。

讲到比赛形式,两阵各有7人,每人就各自选一架坦克啦,点样组合就视乎地图同埋队伍自己嘅打法。地图係比赛前已经选定咗几个出嚟,然后开赛时随机抽。每个地图会连续打两次,因为两队都要轮流做攻守方各一次。每局最终目的就係将对手7架坦克全灭,又或佔领守方两个阵地。边一队最快赢到5局就算係赢出比赛,如果打架10局都係打和的话就要打生死局。而每局限时係10分钟。每局之间有大约1分钟时间休息。

第一场中台大战,赛前都几受注目,大家都觉得会好好睇,但原来实际打起上嚟完全唔係嗰回事。RG一口气先赢4局,Horsemen去到第5局先好似瞓醒咁嚟个反扑,虽然连胜两局,但最终RG于第7局赢咗,拎够5局入决赛。

巴丝打玩eSportsWGL亚太区第二季决赛Day 1回顾
◆ 打生打死为咗乜?除咗为咗参加世界赛资格及拎到呢个奖座之外,仲有成60,000美元嘅奖金!连亚军都有20,000美金,而第3及第4名分别有8,500美金及4,000美金,几个人分真係唔错。巴丝打玩eSportsWGL亚太区第二季决赛Day 1回顾
◆ 呢位哥仔我认得佢!每次嚟睇比赛都会整色整水,去年佢就整咗顶坦克帽,今次就子弹帽,咦喂弱鸡咗喎!巴丝打玩eSportsWGL亚太区第二季决赛Day 1回顾
◆ 现场好快就坐满,仲有拍住拖嚟睇。天啊可否赐我一个可以陪我睇打机嘅女朋友啊!巴丝打玩eSportsWGL亚太区第二季决赛Day 1回顾
◆ 坚係有Fans架,全部自製Banner打气架!(好似係,因为我唔识韩文唔知佢写乜。)巴丝打玩eSportsWGL亚太区第二季决赛Day 1回顾
◆ 现场有3个韩语旁述。巴丝打玩eSportsWGL亚太区第二季决赛Day 1回顾
◆ 另有2个係讲英文嘅。巴丝打玩eSportsWGL亚太区第二季决赛Day 1回顾
◆ 现场想听英文旁述,可以借用呢部FM收音机去接收,真係方便!巴丝打玩eSportsWGL亚太区第二季决赛Day 1回顾
◆ 比赛举行时,对战两队会分别坐入喺主舞台两侧嘅隔音包厢入面。

主队失手

第二场係韩国冠军兼有主场之利嘅GOLD BASS对上去年世界阿二及目前亚太区最强队伍EL GAMING。GOLD BASS其实有唔少人马係来自以往强队ARETE,今次改名係因为成员方面有改动,所以用新名,实际上大家都当佢係ARETE,点知一打起上嚟,EL GAMING未出尽力就连赢3局,而且每局都係用好短时间就KO对手。去到第4局,两边打得好小心,GOLD BASS隠藏起嚟嘅火砲对ELG带嚟极大麻烦,最后亦都赢到拎返局,但现场鬼佬旁述就睇到火都嚟,猛话GB指挥唔掂,连佢都睇到犯咗好多错,冇理由ELG睇唔到!第5及第6局ELG发挥佢哋高机动性及强劲嘅团队合作能力,以总数1:5踢走东道主入决赛。

巴丝打玩eSportsWGL亚太区第二季决赛Day 1回顾

◆ GOLD BASS对EL GAMING係Match Day 1最强戏码。

海军斗水兵

打完两场Semi Final,即刻再打埋场季军战。唔好以为呢场只係名气战,因为WGL入面每场比赛都係计分数,有冇资格再进一步进入世界赛就係睇你总分。呢场比赛同我想像嘅有好大落差,除咗第二局嘅包围同反包围过程几好睇之外,其他比较一面倒都冇咩值得讲。当中Horsemen我睇落觉得佢哋唔多够班,明明可以轻鬆赢出嘅比赛唔知做乜放软手脚唔要,真係睇到火都嚟。最后东道主就以5:3赢咗个季军。

巴丝打玩eSportsWGL亚太区第二季决赛Day 1回顾

◆ 呢场季军战我个人觉得麻麻好睇。

上一篇:
下一篇: